JIIC GOLDEN TONGUE POEM

Komplex

Well!

Da wonya (one ya) name, komplex

‘Cause I doan (don’t) complain

I,complex

Who waan (want) please; please!

Who waan vex; vex!

Yu si when I a labour

I naah labour wrong

‘Cause I a labour, right,

Left and centre

Good and proper

Hard and long

I doan (don’t) inna de alms-house and di bangarang!

Weh mi seh da wonya name again?

Komplex!

‘Cause I don’t complain

I, complex

Who waan please; please!

Who waan vex; vex!

Yu si when I a come?

I naah come plain

‘Cause I a come, red,

Green, gold and black

Da wonya a kulcha shak

Politicians get hart attack!

Weh mi seh da wonya name again?

Komplex!

‘Cause I don’t complain/come plain

I, Komplex!

Who waan please: please!

Who waan vex; vex!

Now, mi taakin to de educated dunce

And de so-called intellect

So mi (goh) ask dem why, how come and wah mek, Jamacia don’t have a Patwah Bible or a Patwah dictionary yet?

And de poli-ticians dem still inna par-li(a)ment a worry & fret!

Shed crocodile tears over the national budget

And mi/wi done tell dem seh, fi manufacture Patwah & export it like a jet

And pay-off the billions a foreign det (debt)!

Weh mi seh da wonya name again?

Komplex!

‘Cause I doan come plain

I, komplex

Who waan please; please!

Who waan vex; vex!

Now!

Some human-animal a jump up pon dem one-another fender

And when mi check dat out, dem a some gender-bender

And when I si dem tings deh, I just get vex!

Soh mi bun de big black daag name rex!

Who waan please; please! Who waan vex; vex!

Weh mi seh da wonya name again?

Komplex!

‘Cause I doan complain

I, complex!

Who wanna pleases; please!

Who waan vex; vex!

(Swell and buss like a ge-naught)

‘Cause da wonya Komplex!

By: YASUS AFARI ©